Arbëria 0, FC Prishtina 1: Gjithçka që ndodhi në ndeshjen e zhvilluar në 'Fadil Vokrri'
Sport
December 08, 2019 - 22:02
Detajet
FC Prishtina është kualifikuar në çerekfinalen e Kupës së Kosovës, raporton Zëri.info.
Skuadra kryeqytetasi triumfoi sot ndaj Arbërisë nga Dobraja me rezultat 1:0 për të vazhduar tutje.
Por, prishtinasit kishin punë mjaft të vështirë sot ani pse luajtën ndaj një skuadre që garon në Ligën e Parë.
Pas ndeshjes, trajneri Armend Dallku nuk është shprehur fare i kënaqur me lojtarët e tij.
“Gjithçka lidhet me neglizhencën. Ishte ndeshja e fundit dhe ndoshta të gjithë lojtarët i kanë mendjen se ku do t'i bëjnë pushimet”, tha Dallku pas ndeshjes.
Krahas Kupës së Kosovës, FC Prishtina është në luftë edhe për titullin kampion./Zëri.info