Zhegrova e Xhaka kundër Vocës, kështu vlerësohen futbollistët nga Kosova pas derbit në Zvicër
Në kuadër të javës së 18-të në Superligën e Zvicrës në futboll, sot është zhvilluar një derbi shqiptarësh, raporton Zëri.info.
Në 'Swissporarena' është zhvilluar ndeshja mes Luzernit dhe Baselit.
Luzerni regjistroi fitore 2:1 ndaj Baselit, në një ndeshje ku luajtën shumë futbollistë shqiptarë, por pa shënuar ndonjë gol.
Te Baseli nga minuta e parë dhe deri në fund luajtën Edon Zhegrova dhe Taulant Xhaka, të cilët bën një paraqitje tejet solide.
Kurse, i shumëkërkuari nga Kosova, Kemal Ademi ishte vetëm në bankën rezervë sonte
Te Luzerni nga fillimi e deri në fund luajti Idriz Voca, kurse Emini u inkuadrua në pjesën e dytë, derisa Shkëlqim Demhasaj nuk luajti fare.
Nga 'Sofa Score', Zhegrova u vlerësua me notën 6.6, Xhaka me notën 6.7, kurse te Luzerni, Voca u vlerësua me notën 6.6./Zëri.info