Gani Sejdiu: Te Drenica mu realizua një ëndërr, më pëlqen sinqeriteti i Mihane Bekteshit

Gani Sejdiu: Te Drenica mu realizua një ëndërr, më pëlqen sinqeriteti i Mihane Bekteshit

Sport January 19, 2020 - 23:19

Drenica ka bërë ndryshime të mëdha në këtë dimër, shkruan Zëri.info. 

Pas largimit të kryetarit Ragip Veseli, në klub u rikthye kryetarja Mihane Kodra Bekteshi. 

Me largimin e Veselit, u largua edhe trajneri Tahir Lushtaku teksa drejtimin e Drenicës e mori trajneri nga Mitrovica, Gani Sejdiu, i cili në karrierën e tij i ka drejtuar me shumë sukses disa skuadra kosovare. 

Sejdiu thotë se e kishte si ëndërr që ta drejtonte Drenicën. 

"E kam pasur si ëndërr që ta drejtojë Drenicën për disa arsye. Më ka pëlqyer projketi dhe sineqriteti i kryetares Mihane Kodra Bekteshi", ka thënë Gani Sejdiu për emisionin "2 me 1" në RTV 21, përcjell Zëri.info. 

Sejdiu ndër të tjera e ka lavdëruar edhe lojën e bukur të Drenicës.

"Drenica ka shfaqur futboll shumë të bukur dhe kjo është meritë e trajnerit Tahir Lushtaku", tha ndër të tjera Gani Sejdiu. 

Skuadra nga Skenderaj do ta nis pranverën nga pozita e gjashtë me 24 pikë të tubuara. 

Drenica është edhe çerekfinaliste e Digitalb Kupës së Kosovës ku do të përballet me Gjilanin. /Zëri.info