ZYRTARE: Skënder Shengyli emërohet trajner te skuadra e madhe kosovare
Trajneri i mirënjohur kosovar, Skënder Shengyli i është rikthyer punës, raporton Zëri.info.
"Timonieri" prizrenas është emëruar trajner i Lirisë së Prizrenit, skuadër e cila në këtë edicion po garon në Ligën e Parë të Kosovës.
Lajmi konfirmohet për Zëri.info nga vet Shengyli.
"Sonte jam emëruar trajner i Lirisë. Shpresojë se do t'i arrijmë objektivat që i kemi", tha Shengyli për Zëri.info të hënën mbrëma.
Ai ka nisur që t'i kontaktojë disa futbollistë në mënyrë që të bëhet një skuadër e fortë për elitë në pranverë.
Shengyli gjatë karrierës së tij e ka drejtuar disa herë Lirinë.
Ai ka punuar edhe te Vëllaznimi, Ballkani e Prishtina në të kaluarën.
Liria do ta nis stinorin pranveror nga pozita e tretë me 26 pikë të grumbulluara, dy më pak se lideri Besa e Pejës. /Zëri.info