E dhimbshme, mjeku pëson infarkt ndeshja ndërpritet

E dhimbshme, mjeku pëson infarkt ndeshja ndërpritet

Sport January 24, 2020 - 21:19
Mjeku i pranishëm që duhej t’i jepte ndihmën lojtarëve

Në kategorinë e pestë italiane ka ngjarje të rralla për t’u dokumentuar, por në sfidën mes Sigmas dhe Sant’Elenas ka dy lajme: i miri është se mjeku i pranishëm, që duhej t’i jepte ndihmën lojtarëve të mundshëm, pësoi vetë një infarkt gjatë zhvillimit të ndeshjes, por fatmirësisht ndihma e shpejtë që iu dha dhe transportimi i tij në spital, bëri që ai të rikthehej në jetë.

Por ndërkohë, lajmi i keq është se pas infarktit, ndeshja u ndërpre dhe tani të dyja ekipet janë të detyruara që të kthehen në fushë, më 12 shkurt, për të luajtur vetëm 3 minutat e fundit, plus shtesën e mundshme.

Kur arbitri i sfidës vendosi që të pezullojë ndeshjen, rezultati ishte 2-1 në favor të miqve të Sant’Elenas. Dhe pavarësisht kërkesës së vetë Sigmas për ta quajtur të humbur sfidën, duke qenë se për t’u luajtur mbeten vetëm 3 minuta, Unioni Sportiv i Sardenjës ka vendosur që edhe ato pak sekonda të luhet dhe të dyja ekipet duhet të paraqiten me çdo kusht në fushë.