Valon Berisha largohet nga Lazio, mediumi italian zbulon skuadrën e re të mesfushorit nga Kosova
Sport
January 29, 2020 - 10:19
Lazio raportohet se është duke negociuar për huazimin e mundshëm të Valon Berishës në Fortuna Dusseldorf.
26-vjeçari nga Kosova pritet të largohet nga ‘Olimpico’ këtë muaj, shkruan Zëri.info.
“Tuttomercatoweb” raporton se Lazio ka hyrë në bisedime me klubin gjerman.
Kontrata e mesfushorit me Lazion skadon në verën e vitit 2023, por që ai fillimisht mund të largohet në huazim, me opsionin e blerjes në verë.
Dusseldorfi është aktualisht në vendin e 18-të në Bundesliga, dhe është duke sfiduar që të mbetet në elitë.
Berisha erdhi në Lazio nga RB Salzburg në verën e vitit 2018 dhe më parë ka luajtur në Norvegji te Viking.
Këtë edicion, ylli i Kosovës është paraqitur në tetë ndeshje me Lazion, katër prej tyre në Ligën e Evropës./Zëri.info