Vedat Muriqi – Manchester United, ‘bomba’ e radhës lansohet në Turqi
Manchester Unitedi është duke përgatitur një ofertë prej 20 milionë funtesh për sulmuesin e Fenerbahçes, Vedat Muriqi, raporton ‘Yeni Safak’, përcjell Zëri.info.
Sipas këtij burimi, Manchester Unitedi mbetet i interesuar për reprezentuesin e Kosovës, derisa oferta pritet të lansohet së shpejti, shkruan Zëri.info.
Nga ana tjetër, Fenerbahçe kërkon ta mbajë yllin e skuadrës përtej muajit janar, por që rritja e ofertave mund të bëjë ndonjë ndryshim.
‘Kanarinat e Verdha’ janë në gjendje tëvështirë financiare, dhe janë në presion nga Federata e Futbollit të Turqisë dhe UEFA për shlyerjen e borxheve.
Besohet se oferta prej 20 milionë funtesh nuk do të jetë e mjaftueshme për Fenerbahçen që ta shes Muriqin, por një ofertë më e rritur mund t’ia ndryshojë mendjen drejtuesve të klubit turk.
Për Muriqin, ka pasur edhe një ofertë prej 28 milionë funtesh nga Burnley, por kjo ofertë u refuzua.
Muriqi këtë edicion ka qenë në formë fenomenale duke shënuar 13 gola dhe duke dhuruar tetë asistime në 20 ndeshje këtë edicion në të gjitha garat./Zëri.info