Ponte Prizreni triumfon ndaj Trepçës

Ponte Prizreni e ka mundur Trepçën me rezultat 91:86 (22:14, 19:29, 28:23, 22:20), në kuadër të javës së 23-të në Superligën e Kosovës në basketboll.

Ponte e nisi ndeshjen më mirë dhe fiton çerekun e parë 22:14. Por, në periodën e dytë, kundërpërgjigjen mysafirët nga Mitrovica, duke fituar 19:29, për të shkuar në pushim me rezultat 41:43. Prizreni ishte më i mirë në periodën e tretë 28:23 dhe atë të fundit 22:20 për të triumfuar në fund me rezultat 91:86.

Te Ponte Prizreni më i miri ishte Urim Zenelaj me 25 pikë e 25 kërcime, derisa Ty Nichols kishte 30 pikë, gjashtë kërcime dhe tetë asistime, kurse te Trepça më të mirët në fushë ishin Alante Fenner me 25 pikë, katër kërcime e shtatë asistime dhe Dj Hanes me 24 pikë e shtatë asistime.

Ponte Prizreni tani ka 13 fitore dhe tetë humbje, kurse Trepça katër fitore dhe 16 humbje.