Statistikë interesante e Diego Simeones, nuk është eliminuar asnjëherë nga Championsi nga një ekip që...
Atletico Madridi triumfoi mbrëmë ndaj Liverpoolit në shtëpi në ndeshjen e parë të së tetës së finales së Ligës së Kampionëve, transmeton zeri.info
Madrilenët triumfuan minimalisht 1:0 ndaj “të kuqve”.
Diego Simeone është një mjeshtër i fazave nokaut dhe kjo mund të shihet nga rekordi i tij si trajner i Atleticos, shkruan “Daily Mail”.
Ai nuk ka humbur kurrë ndaj një ekipi pjesë e të cilit nuk ka qenë Cristiano Ronaldo në fazën nokaut të Ligës së Kampionëve.
Pasi që e mori drejtimin në 2011-n, ai kaloi fillimisht dy edicione në Ligën e Evropës.
Në 2014-n, Atletico shkoi deri në finale ku u mposht 4:1 nga Real Madridi në vazhdime, me Ronaldon që shënoi nga penalltia në minutën e 120-të.
Në vitin pasues, kundërshtari i njëjtë e eliminoi Atleticon në çerekfinale, derisa Ronaldo me shokë triumfuan 1:0 me rezultat të përgjithshëm.
Në 2016-n u përsërit finalja mes dy klubeve madrilene, të cilën Atletico sërish e humbi, kësaj radhe me penallti 5:3.
Në 2017-n Simeone sërish u mposht nga Reali në gjysmëfinale, derisa Ronaldo isht pjesë e klubit mbretëror.
Në 2018-n, Atletico nuk i kaloi dot grupet.
Ndërkohë, në vitin e kaluar u eliminua nga Juventusi i Ronaldos./Zëri
