Shtatorja e Majlinda Kelmendit përurohet të premten në Pejë
Sport
February 25, 2020 - 16:01
Detajet
Shtatorja e heroinës tonë, kampiones Olimpike, Majlinda Kelmendi, do të përurohet të premten (28 shkurt) në vendlindjen e saj në Pejë, njofton Komiteti Olimpik i Kosovës, shkruan Zëri.info.
Përurimin e shtatores do ta bëjë presidenti i Federatës Ndërkombëtare të Xhudos, Marius Vizer, i cili do të jetë i pranishëm edhe në ceremoninë e Laureatëve 2019, të organizuar nga Komiteti Olimpik i Kosovës më 27 shkurt.
Majlinda është sportistja e vetme e Kosovës me medalje Olimpike.
Ajo fitoi të artën në kategorinë -52 kg të xhudos në Lojërat Olimpike RIO 2016. /Zëri.info