Bayerni shkatërron Chelsean, barazim në Napoli

Sport February 25, 2020 - 22:52

Lajmet e fundit nga sporti

Bayern Munichu e ka shkatërruar Chelsean në ndeshjen e parë të së tetës së finales së Ligës së Kampionëve, shkruan zeri.info

Bavarezët triumfuan me shifrat 3:0 në “Stamford Bridge”.

Serge Gnabry shënoi dy herë në minutat 51’ dhe 54’.

Kurse, rezultatin përfundimtar 3:0 e vulosi Robert Lewandowski në minutën e 76-të.

Në fund të takimit Chelsea mbeti edhe me një lojtar më pak pas përjashtimit me karton të kuq të Marcos Alonsos në minutën e 84-t

Në ndeshjen tjetër, Napoli dhe Barcelona barazuan me rezultatin 1:1.

Dries Mertens shënoi për vendasit në minutën e 30-të.

Ndërkohë, për katalunasit barazoi Antoine Griezmann në minutën e 58-të.

Në minutën e 89-të mysafirët mbetën me një lojtar më pak pas përjashtimit të Arturo Vidalit, që u ndëshkua me kartonin e dytë të verdhë.

Ndeshjet e kthimit zhvillohen më 18 mars./Zëri