Mbrojtësi i Kombëtares 'godet' me këtë deklaratë: Shihemi me 51 përqind, hallall çdo votë
50 ditët e Albin Kurtit si kryeministër i Kosovës dhe të Qeverisë së tij, dje kanë marrë fund me mocionin e inicuar nga Lidhja Demokratike e Kosovës dhe të votuar nga të gjitha grupet parlamentare përveç Lëvizjes Vetëvendosje, raporton Zëri.info.
Rrëzimi i Qeverisë “Kurti” u bë me 82 vota për, 32 kundër dhe me 1 abstenim. Në sallë ishin 117 deputetë.
Këtë mocion që e nisi LDK-ja si partnere e koalicionit, nuk e mbështetën kryetarja e Kuvendit, Vjosa Osmani dhe dy deputetët e saj, Haxhi Avdyli e Ardian Shala.
Në seancë pati shumë akuza mes deputetëve kryesisht të LVV-së e LDK-së. Ndër të tjera, LVV-ja e akuzoi LDK-në se e ka tradhëtuar në rrugën e saj drejtë luftimit të krimit dhe këtë e ka bërë në bashkëpunim me presidnetin Thaçi.
Në lidhje me këtë seancë, e cila e la Kosovën pa një qeveri në këtë periudhë të vështirë me pandeminë COVID-19, ka reaguar ashpër edhe mbrojtësi i Shqipërisë, Ardian Ismajli.
Mbrojtësi prishtinas përmes një postimi në rrjetin social "Instagram", ia ka bërë 'hallall' votat Kurtit.
"Shihemi me +51 përqind. Hallall çdo votë o king", ka shkruar Ismajli./Zëri.info
