Si arriti që Michael Schumacher ta largojë Lukas Podolskin nga Bayern Munich për në Koln?
Lukas Podolski thotë se nuk e di, por Michael Schumacher pagoi nga paratë e tij për ta siguruar transferimin e sulmuesit gjerman në Koln.
Ish-sulmuesi i Arsenalit ishte i vëzhguar nga Manchester City para se të vendsote të largohej nga Bayern Munich në vitin 2009, shkruan Zëri.info.
Dhe ishte legjendari i Formula 1, Michael Schumacher, i cili e financoi transferimin e gjermano-polakut në Koln për nëntë milionë funte.
Piloti ikonë i cili ndodhet në koma nga viti 2013 pas një aksidenti të tmerrshëm në skijim, ka ndihmuar drejtuesit e Kolnit për ta transferuar Podolskin.
Dhe Schumacher e kishte lënë një mesazh për Podolskin aso kohe:
"Mirë, djalosh, ju e ndoqët zemrën tuaj, kjo është gjë e mirë".
"Asgjë s'mund ta zëvendësojë skuadrën e vërtetë. Tani ju mund t'i tregoni tifozëve se çfarë do të thotë ky klub për ty. Do t'i mbaj duart lart për ty. Shihemi së shpejti", shkruhej më tej në mesazhin e Schumacher.
Por, sot e asaj dite, Podolski nuk e di se çfarë ndodhi prapa skenës, duke thënë se ishte koha të largohej nga Bayern Munich.
"Nuk e di çfarë ndodhi prapa skenës, dhe financimin e transferimit tim. Por, nuk ndjej se dështova në Mynih. Duhej të shkoja në shtëpinë time. E ndjeka zemrën time", ka thënë Podolski për 'FourFourTwo'./Zëri.info