Zyrtare: FA cakton datën e rikthimit dhe të finales së Kupës FA

Federata Angleze e Futbollit ka konfirmuar tashmë datën kur do të rikthehet Kupa FA dhe kur do zhvillohet finalja e madhe e kësaj gare.

Çerekfinalet e Kupës FA janë rregulluar përkohësisht për datat 27 dhe 28 qershor, me finalja synohet të zhvillohet më 1 gusht.

Njoftimi i së premtes nga Federata e Futbollit (FA) erdhi një ditë pasi u zbulua se sezoni i Ligës Premier do të fillojë më 17 qershor.

Nuk ka pasur futboll në Angli për më shumë se dy muaj, pasi sezoni i tyre u pezullua përkohësisht për shkak të krizës së shkaktuar nga coronavirusi.

Norwich City do të përballet me Manchester United, Sheffield United me Arsenalin, Manchester City kundër Newcastle United dhe Leicester City me Chelsean në takimet çerekfinale.

Fundjava e 11-12 korrikut është caktuar për ndeshjet gjysmëfinale, ndërsa informacioni i mëtejshëm mbi vendet dhe kohën e duhur do të shpallet në kohën e duhur.

“Jemi të kënaqur që ramë dakord për datën e rivendosjes së përkohshme për Kupën FA 2019-20”, ka deklaruar shefi ekzekutiv i FA, Mark Bullingham.