Mediumi anglez shkruan për Nuhiun: Atdheu ende kryen punën e tij
Sheffield Wednesday u mposht të dielën me shifrat 2:1 nga Swansea City në kuadër të kategorisë së dytë të futbollit anglez, transmeton “Zeri.info”.
Reprezentuesi kosovar, Atdhe Nuhiu, shënoi golin e vetëm për mysafirët.
Mediumi anglez “Thestar.co.uk” ka shkruar për pesë pikat referuese të takimit të djeshëm.
Në mesin e këtyre përfshihet edhe Atdhe Nuhiu.
“Atdheu ende po kryen punën e tij”, shkruan “Thestar.co.uk”.
“Shikoni, ai nuk është më i pëlqyeri nga të gjithë, por Nuhiu momentalisht është larg lojtari më i mirë golashënues në ‘Hillsborough’. Ai ka 48 gola (26 më shumë sesa golashënuesi i dytë, Kieran Lee) dhe shpejt mund të bëhet lojtari i parë i Wednesdayt që prej Marcus Tudgayt në 2010-n që realizon 50 gola për klubin. Goli i tij me kokë ndaj Swanseas nuk ishte i mjaftueshëm për të marrë një pikë, por ishte i pesti gol i tij i shënuar në kohën shtesë këtë edicion dhe si një lojtar me ndikim ju s’mund të dyshoni në vlerën e tij”, vijon më tej ky medium./Zëri
Atdhe Nuhiu’s last five #SWFC goals…
— Joe Crann (@YesWeCrann) July 5, 2020
90+6
90+3
90+4
90+4
90+4 pic.twitter.com/4aHWpRZ94f
