Trajneri i Barçës reagon pas fitores ndaj Juventusit: Ky futbollist do të jetë i mrekullueshëm për skuadrën
Trajneri i Barcelonës, Ronald Koeman ka reaguar pas fitores së madhe të skuadrës së tij ndaj Juventusit.
Barcelona ishte mysafire e Juventusit sonte në kuadër të Ligës së Kampionëve, shkruan “Zeri.info”.
Ndeshjen në “Allianz Stadium”, Barcelona e fitoi me rezultat të pastër, 0:2.
Trajneri Koeman e nisi konferencën me fjalë të mëdha për yllin e Barcelonës, Pedri.
“Çfarë Pedri bën në moshën e tij është e mrekullueshme. Ai do të jetë futbollist i mrekullueshëm për Barcelonën”, ka thënë fillimisht Koeman.
Tutje, Koeman ka folur edhe për dorëheqjen e presidentit të klubit, Josep Bartomeu.
“Largimi i Bartomeut? Nuk kam koment. Çdo kush i ka mendimet e veta”, tregoi ai.
“Ndeshja e sontme ka qenë më e mirë prej se unë jam këtu. Skuadra ka treguar shumë personalitet në fushë”, shtoi ish-përzgjedhësi i Holandës. /Zeri.info