Java e ardhshme në Superligë e sjellë derbin e madh Gjilani - Drita
Të enjten (sot) ka përfunduar java e 14-të në elitën e futbollit kosovar me takimin Drenica – Ballkani, shkruan “Zeri.info”.
Ballkani ka shënuar fitore 1:2 në stadiumin “Bajram Aliu” në Skenderaj, duke bërë kështu që ta rritë diferencën e pikëve në pesë me vendin e dytë, aty ku gjendet Drita.
Xhiroja e radhës do të zhvillohet në fundjavë e ku kryendeshja do të jetë në Anamoravë aty ku takohen dy rivalët e urryer Gjilani dhe Drita.
FC Prishtina ka punë të lehtë, të paktën në "letër" pasi takohet me Besën e cila është e fundit në tabelë.
Ballkani e pret në shtëpi Arbërinë e Arbnor Morinës.
Këto janë çiftet e javës së 15-të në Superligën e Kosovës në futboll:
Ballkani – Arberia
Drenica – Llapi
Gjilani – Drita
Feronikeli – Trepça ‘89
Besa – FC Prishtina /Zeri.info