Infektuar: 101517
Shëruar: 87012
Vdekur: 2072
Igli Tare: Ne respektuam rregullat, dolëm në fushë – tani presim vendimin nga federata

Igli Tare: Ne respektuam rregullat, dolëm në fushë – tani presim vendimin nga federata

Sport March 02, 2021 - 21:47

Drejtori i Lazios, Igli Tare, ka thënë se klubi që ai drejton po ndjek rregullat për ndeshjen me Torinon, ndërsa pret një fitore 3-0 në tavolinë.

Ndeshja do të duhet të fillonte nga ora 18:30, por Toro nuk ka zbritur në fushë pasi janë në karantinë deri të paktën në mesnatën e mbrëmjes së sotme, siç ka urdhëruar ASL (autoriteti lokal i shëndetit).

“Unë mund të them shumë gjëra, por po i mbaj për vete”.

“Ne i respektuam rregullat, erdhëm në stadium, do të qëndrojmë për 45 minuta dhe pastaj do t’ia lëmë të gjitha autoriteteve”.

“Ndoshta ka qenë e përshtatshme për ne që të mos luajmë, por kampionati duhet të respektohet, situata u vendos shumë kohë përpara kësaj edhe sa na përket nesh, ne thjesht po ndjekim rregullat”.

“Ne nuk duhet të futemi në dinamikën e asaj që ndodh më pas. Ne thjesht bëjmë atë që na është thënë nga Lega”, deklaroi Tare. /Telegrafi/