Milani i rikthehet fitoreve, fiton pastër në udhëtim te Verona
Sport
March 07, 2021 - 16:58
Lexoni detajet!
Milani është rikthyer te fitorja pas barazimit (1:1) ndaj Udineses dhe ka marrë pikët e plota në udhëtim te Verona, shkruan “Zeri.info”.
“Rossonerët” fituan me rezultat të pastër 0:2, në takimin e vlefshëm për javën e 26-të kampionale në Serie A.
Mesfushori, Rade Kruniq ishte realizator i golit të parë për “kuqezinjtë” pas 27 minutave lojë.
Për golin përfundimtar u përkujdes mbrojtësi portugez, Diogo Dalot që realizoi pesë minuta pasi filloi pjesa e dytë.
Milani me këtë tri pikë ndodhet në vendin e dytë në tabelë me 56 pikë, tri më pak se Interi, që zhvillon ndeshjen të hënën ndaj Atalantës.
Verona zë vendin e tetë me 38 të tilla pas 26 ndeshjeve të luajtura. /Zeri.info