“Euro 2020”: Holanda shënon fitore të pastër ndaj Austrisë dhe siguron kalimin e grupit
Sport
June 17, 2021 - 22:52
Lajmet e fundit nga sporti
Kombëtarja e Holandës ka regjistruar fitoren e dytë radhazi në “Euro 2020”, për të siguruar kalimin e grupit, shkruan Zeri.info.
Pas Ukrainës, “Tulipanët” shënuan fitore edhe ndaj Austrisë në ndeshjen e rrethit të dytë në Grupin C.
Ndeshja e zhvilluar sonte në “Johan Cruijff Arena” ka përfunduar me rezultatin 2-0. Memphis Depay dhe Denzel Dumfries shënuan golat e fitores për holandezët.
Holanda është lidere në grup dhe tani me gjashtë pikë ka siguruar kalimin tutje. Në pozitën e dytë renditet Ukraina me tre pikë, aq sa ka edhe Austria një pozitë më poshtë. E fundit është Maqedonia e Veriut me zero pikë.
Në ndeshjet e rrethit të tretë dhe të fundit në Grupin C takohen: Maqedonia e Veriut – Holanda dhe Ukraina – Austria. /Zeri.info
