Zyrtare: Merret vendimi për krijimin e Ligës U21
Sport
August 05, 2021 - 16:40
Lajmet e fundit nga sporti
Nga tash e tutje, futbolli i Kosovës është pasuruar edhe me një tjetër nivel garash, shkruan Zeri.info.
Bëhet fjalë për Ligën U21, që tashmë ka marrë dritën jeshile për t’u krijuar.
Komiteti Ekzekutiv i FFK-së ka mbajtur sot mbledhjen e radhës. Mes vendimeve tjera, është marrë vendimi që të krijohet edhe Liga e grupmoshës U21.
“Me qëllim të zhvillimit më të mirë të futbollit, KE mori vendim për krijimin e Ligës U21” – thuhet në njoftim.
Kujtojmë se në futbollin tonë krahas garave të ekipeve të seniorëve, organizohen gara edhe në grupmoshat nën 17-vjeç dhe nën 19-vjeç në konkurrencën e meshkujve, si dhe garat nën 17-vjeç në konkurrencën e femrave, derisa në regjione organizohen garat në të gjitha grupmoshat më të ulëta. /Zeri.info