Zyrtare: Megzon Visoka merr drejtimin e Arbërisë
KF Arbëria ka konfirmuar arritjen e marrëveshjes me Megzon Visokën dhe trajnerin kondicional, Arsim Tershanin, shkruan Zeri.info.
Megzon Visoka mbeti trajner i lirë, pasi sot (e enjte) u shkarkua nga pozita e trajnerit te FC Ferizaj.
Tani, Visoka do ta drejtojë skuadrën tjetër nga Liga e Parë, Arbërinë.
Te Arbëria, Megzon Visoka do ta zëvendësoj Jeton Gashi, i cili gjithashtu u shkarkua ditë më parë.
Njoftimi i plotë nga KF Arbëria (pa ndërhyrje):
“Megzon Visoka emrohet trener i ri i KF Arbëria
KF Arbëria ka arritur marrëveshje me trenerin Megzon Visoka dhe trenerin kondicional Arsim Tershani.
Megzon Visoka në rolin e trenerit ka qenë tek disa klube të Ligës së parë dhe është njohës i mirë i futbollit Kosovar, i certifkuar në kategorinë Uefa Pro.
Arsim Tershani rikthehet tek Arbëria në rolin e trenerit kondicional, rol të cilin e luajti edhe në dy edicionet e fundit.
Kryesia e KF Arbëria ju dëshiron suksese shtabit teknik, njëkohësisht u uron shëndet dhe punë të mbarë”. /Zeri.info