Milani pëson edhe nga Porto, asnjë pikë nga tri ndeshje

Milani ka pësuar edhe humbjen e tretë në fazën grupore të Ligës së Kampionëve nga po aq ndeshje të zhvilluara.

Kësaj radhe, Rossonerët kanë humbur me rezultat minimal (1-0) nga Porto në Estadio do Dragao.

Gjysma e parë nuk prodhoi gola, ashtu që skuadrat shkuan në pushim me rrjetat e paprekura.

Goli i vetëm në këtë takim u realizua në minutën e 67-të kur shënoi Luis Diaz pas asistimit nga Mehdi Taremi.

Kjo ishte humbja e tretë e Milanit në Grupin B dhe mbetet në kuotën e zero pikëve pas tri ndeshjeve të zhvilluara.

Porto, në anën tjetër, ka grumbulluar katër pikë, aq sa ka edhe Atletico Madridi në vend të dytë. Derisa Liverpooli është lider me nëntë pikë nga tri fitore.