Pesë zëvendësime në një ndeshje, rregulli kërkohet të bëhet i përhershëm

Pesë zëvendësime në një ndeshje, rregulli kërkohet të bëhet i përhershëm

Sport November 25, 2021 - 23:49
Lajmet e fundit nga sporti

Bordi i Shoqatës së Futbollit ndërkombëtar (IFAB) ka vendosur që të kërkojë që kryerja e pesë zëvendësimeve në një ndeshje futbolli të qëndrojë si normë e përhershme. 

Kërkesa do të bëhet zyrtare në mbledhjen e përgjithshme të planifikuar marsin e ardhshëm.

 “Pas paraqitjes së kësaj mundësie, për shkak të kalendarit të ngjeshur si pasojë e pandemisë, IFAB ka marrë në konsideratë – pas propozimeve të konfederatave, shoqatave, ligave dhe palëve të tjera kryesore të interesuara – për ta futur këtë normë përgjithmonë në rregulloren e lojës për edicionin 2022/23.  

Anëtarët ranë dakord që kompeticione të ndryshme, në mënyrë individuale, të vendosin të rrisin numrin e zëvendësimeve që mund të bëhen, sipas nevojave dhe rrethanave, duke ruajtur kufizimin aktual prej tri hapësirave kohore për të kryer zëvendësimet” - thuhet në njoftim.