Flamurtari e fiton derbin ndaj Tiranës
Flamurtari ka shënuar fitore ndaj Tiranës me rezultat 81:71 (30:19, 20:15, 12:16, 19:21), në kuadër të javës së tretë në Ligën Unike e Femrave.
Vendaset e nisën ndeshjen më mirë, duke qenë më të mira në çerekun e parë dhe ishin në epërsi konstante, ndërsa këtë pjesë e fituan me rezultat 30:19. Skuadra vlonjate vazhdoi me lojë të mirë edhe në periudhën e dytë, duke e rritur epërsinë edhe më shumë, ku më e larta ishte 42:24, ndërsa në pushim shkuan me shifrat 50:34.
Në periodën e tretë, mysafiret nga Tirana ishin paksa më të mira, duke tentuar përmbysjen e madhe dhe ngushtuan shifrat në 58:50, ndërsa rezultati në semafor pas 30 minutash ishte 62:50. Në dhjetë minutat e fundit, u zhvillua lojë e barabartë, me skuadrën vlonjate që ruante epërsinë, kurse tiranaset nuk arritën të rikthejnë rezultatin dhe Flamurtari triumfoi me rezultat 81:71.
Për Flamurtarin ishte fitorja e dytë, ndërsa ka edhe një humbje, kurse Tirana ka tri humbje në tri ndeshje.
Te Flamurtari u dalluam Samra Omerbasic me 23 pikë e 12 kërcime dhe Emma Obryan me 26 pikë, 11 kërcime dhe tetë asistime, kurse te Tirana u dalluan Enisa Qosja me 20 pikë e tetë kërcime dhe Mirela Lugaj me 20 pikë e dhjetë kërcime. /Zeri.info
