Chicharito: Man Utd duhet të “kapërcejë” Sir Alex Ferguson
Ylli i Los Angeles Galaxy, Javier “Chicharito” Hernandez i ka bërë thirrje ish-klubit Manchester Unitedit që të "kapërcejë" ish-trajnerin, Sir Alex Ferguson, i cili doli në pension në 2013.
Djajtë e Kuq kanë dështuar të përsërisin suksesin që gëzonin nën drejtimin e Fergusonit teksa kanë kaluar nëpër tetë trajnerë, përfshirë kujdestarët, që nga largimi i legjendës skoceze.
Hernandez beson se "nuk do të jetë kurrë i njëjti" klub pa Ferguson, por mendon se pranimi i një epoke të re do t'i ndihmonte ata të ecin përpara.
"United duhet të kapërcejë faktin që Sir Alex Ferguson ka ikur," ka thënë Hernandez gazetarëve.
"A do të dëshironim të kishim dikë të ngjashëm? Po, po, po - por Sir Alex ka ikur dhe nuk do të jetë kurrë njësoj.
“Nuk më befason ajo që ka ndodhur në United, sepse në jetë nuk është e lehtë të kesh një trajner për 26 vjet, ashtu siç e bëri Sir Alex.
“Një nga aftësitë e tij më të mëdha, sipas mendimit tim modest, ishte se ndoshta shtatë nga 10 lojtarët që nënshkruan, funksionuan.
“Kjo nuk është e lehtë – jo për Real Madridin apo Barcelonën apo edhe për Chelsean, (Manchester) Cityn, Liverpoolin apo Bayern Munich.
“Është si të fitosh llotarinë. A mendoni se dikush që do të punësoni më pas do të jetë në gjendje të bëjë edhe 80 për qind të asaj që bëri Ferguson?
Hernandez foli edhe për Cristiano Ronaldon, ku tha se e kupton dëshirën për t'u larguar nga Manchester Unitedi këtë verë, duke pasur parasysh mungesën e kualifikimit të tyre në Champions League. Megjithatë, ai beson se Ronaldo mund të ketë një sezon të madh nëse ai mbetet me klubin.
“Koha do të tregojë se çfarë do të ndodhë me të – por çka nëse Ronaldo qëndron dhe shënon 40 gola?. Kjo mund të ndodhë.”, ka thënë ai. /Zeri.info
