Ten Hag dëshiron më shumë nënshkrime në Man Utd

Erik ten Hag i ka bërë thirrje bordit të Manchester Unitedit që të jetë proaktiv në ditët e fundit të afatit kalimtar të janarit.

Pas progresit të konsiderueshëm të bërë në gjysmën e parë të sezonit, me Man Utd që ende lufton në katër fronte dhe sfiduesit më të afërt me Arsenalin dhe Man Cityn në Premierligë, holandezi mendon qartë se ka ende hapësirë për përmirësim dhe u ka bërë thirrje atyre se ai do të përdorë të gjitha mundësitë që lidhen me transferimet në ditët në vijim.

Duke folur për “Sky Sports”, ai tha: “Në ditët në vijim, nëse do të kishim një mundësi, unë do ta bëja atë, por nuk varet vetëm nga unë. Mendoj se kjo duhet të jetë gjithmonë qasja në këtë klub. Çdo ditë duhet të përmirësohesh, kështu që nëse ka mundësi për t’u përmirësuar, atëherë duhet të godasësh, kjo është qasja ime. Unë jam duke kërkuar, duke bërë kërkime, kam një ide dhe kam profile për të forcuar skuadrën”. /Zeri.info