Zyrtare: Aro Muriq transferohet te Ispwich Town
Portieri i Kosovës Arijanet Muriq është transferuar te Ispwich Town.
Lajmi e ka bërë të ditur vetë klubi anglez, përmes një komunikate zyrtare, transmeton “Zëri”.
“Klubi është i kënaqur të njoftojë nënshkrimin e Arijanet Muriq për një tarifë të pazbuluar”, thuhet në komunikatën e klubit.
Aro u bashkohet Bluve nga Burnley, duke nënshkruar një kontratë katërvjeçare në Portman Road dhe duke u bërë nënshkrimi i pestë i verës për Townin.
25-vjeçari, i cili është lindur në Zvicër dhe ka përfaqësuar Kosovën 38 herë në nivel ndërkombëtar, luajti një rol të madh në promovimin e Burnleyt në Premierligë gjatë sezonit 2022/23, përpara se të shfaqej dhjetë herë për Clarets në krye.
Pasi filloi karrierën e tij profesionale me Manchester Cityn, ai kaloi periudha huazimi në NAC Breda, Nottingham Forest, Girona, Willem II dhe Adana Demirspor, përpara se të bashkohej me Burnleyn dhe të bënte gjithsej 55 paraqitje gjatë kohës së tij në Turf Moor.
“Jam i emocionuar që i jam bashkuar klubit dhe mezi pres të filloj”, tha Aro për “TownTV”, përcjell “Zëri”.
“Kam parë se si luajti skuadra sezonin e kaluar dhe ndjeva se stili do të më përshtatet shumë, kështu që kjo është lëvizja perfekte për mua”.
“Kam pasur biseda të mira me menaxherin dhe Rene (Gilmartin, shef i portierit) dhe besoj se ky është vendi i duhur për mua që të jem ndërsa klubi kalon në Premierligë. Mezi pres të filloj”.
Aro do të fluturojë sot për në Austri për t’u bashkuar me skuadrën e qytetit gjatë kampit të tyre parasezonal. /Zëri
ë We're excited to confirm Aro Muric's arrival on a four-year deal from Burnley.
— IPSWICH TOWN (@IpswichTown) July 17, 2024
Read more. ë
