Tifozët e Liverpoolit djegin fanellat e Alexander-Arnold në shenjë proteste ndaj kalimit të tij te Real Madridi

Lajmi për transferimin e rënë dakord të Trent Alexander-Arnold në Real Madrid këtë verë ka shkaktuar zemërim në mesin e tifozëve të Liverpool dhe zhgënjimi i tyre u shfaq plotësisht në një video të fundit virale.

Në video shihet një tifoz i Liverpoolit duke djegur fanellën e yllit të mbrojtësit të djathtë në shenjë proteste për transferimin e përfolur.

Alexander-Arnold ka qenë një figurë kyçe për Liverpoolin dhe largimi i tij i menjëhershëm te rivalët e tyre evropianë ka lënë shumë tifozë të ndihen të tradhtuar.

Ky fans nuk është i vetëm – shumë përdorues në X thonë se ose do të djegin ose do t’i hedhin fanellat e tyre të Trent në plehra, ose tashmë e kanë bërë atë.

Real Madridi ka më shumë se një vit që është duke e ndjekur situatën kontraktuale të anglezit me Liverpoolin.

Marrëveshja mes Liverpoolit dhe lojtarit skadon në qershor, andaj Los Blancos do ta marrin si transferim të lirë.