Iker Casillas zbulon futbollistin që e frymëzoi të fitonte Kupën e Botës 2010

Spanjolli Iker Casillas, portieri i ekipit kombëtar spanjoll që fitoi Kupën e Botës 2010, zbuloi të martën se të shikonte Brazilin e Dungës duke fituar finalen e vitit 1994 në Shtetet e Bashkuara ishte një nga frymëzimet e tij në futboll.

“Kur isha 13 vjeç, pashë Dungën të ngrinte Kupën dhe thashë, një ditë dua ta arrij këtë; e përmbusha atë ëndërr 16 vjet më vonë”, rrëfeu fituesi dy herë i Kampionatit Evropian pasi u fut në Sallën e Famës së Futbollit Botëror në Pachuca, Meksikë qendrore.

Casillasi dhe Dunga, të cilët falënderuan Meksikën për mikpritjen e saj, ishin dy nga 18 anëtarët e rinj të Sallës së Famës, e cila sot arriti në 180 anëtarë.

“Kam një pasion që gjeneroi një gëzim, i cili i kombinuar me aftësitë e mia, çoi në një ndryshim të rregullave të FIFA-s për t’u dhënë portierëve më shumë kohë loje. Të futesh në Sallën e Famës është një nga nderet më të mëdha të jetës sime”, tha ai.

Përveç Casillas, Dunga dhe Higuita, të pranuarit përfshinin edhe uruguaianin Diego Forlan, një gjysmëfinalist në Kupën e Botës së Afrikës së Jugut 2010, brazilianin Milton 'Tita' Queiroz, holandezin Ronald Koeman, trajnerin e ekipit kombëtar holandez, dhe anglezin Gary Lineker, golashënuesi më i mirë në Kupën e Botës së Meksikës 1986.

Gjithashtu në Sallën e Famës u futën edhe meksikanët Luis Flores, Miguel Espana, Ignacio Ambriz, Francisco Palencia dhe Gerardo Torrado. /Zëri