Elita e basketbollit nis me duele të zjarrta

Këtë fundjavë nis edicioni i ri i Superligës së Kosovës në basketboll, ku që në xhiron e parë na presin katër përballje interesante.

Ndeshja hapëse do të zhvillohet të shtunën nga ora 17:00, ku Sigal Prishtina përballet me Pejën, një duel mes dy skuadrave me traditë të madhe në basketbollin e Kosovës.

Po të shtunën, nga ora 19:00, Rahoveci do të jetë nikoqir i Trepçës, kampiones aktuale të Kosovës, ndërsa ndeshja e fundit e së shtunës është nga ora 20:00 me përballjen ndërmjet Borës dhe Vëllaznimit, që zhvillohet në Pallatin e Rinisë dhe Sportit në Prishtinë.

Xhiroja e parë vazhdon të dielën me një tjetër ndeshje interesante. Nga ora 17:00, Bashkimi do të përballet me Golden Eagle Yllin, që është takimi i fundit për javën e parë.

Katër ndeshje, tetë skuadra dhe një fillim që premton rivalitet dhe emocione që nga xhiroja e parë.

Superliga – Xhiroja 1

E shtunë

17:00 | Sigal Prishtina – Peja

19:00 | Rahoveci 029 – Trepça

20:00 | Bora – Vëllaznimi

E diel

17:00 | Bashkimi – Golden Eagle Ylli.