Vjosa Osmani: Do të ulet numri ministrave

Kandidatja për kryeministre nga radhët e LDK-së, Vjosa Osmani, në forumin ‘Fol Hapur’, ka thënë se nëse votohet për kryeministrie, ajo do ta zvogëloj numri i ministrive.

Ajo ka thënë se me zvogëlim të ministrive nuk do të largohen nga puna të punësuarit, por do të bashkohen.

“Për mua një shtet funksional është nëse viti i një qytetari është i përballueshëm si në aspektin ekonomik, ashtu edhe në lëvizjen e lirë dhe mbrojtja e të drejtave të qytetarëve që janë të parapara në letër. Në qeverinë time do të ketë vetëm 12 ministri, kjo nuk do të thotë që të punësuarit do të largohen nga puna por ato vetëm do të bashkohen. Bashkimi i disa ministrive në një do të shkurtojë edhe shpenzimet. Ajo ka thënë se edhe agjencitë dhe ndërmarrjet e ndryshme të pavarur do të funksionojnë brenda ministrive përkatëse”, ka thënë ajo.

Sipas saj Bordet e Agjencive janë të politizuara që po i shkatërron dhe po ndikon në prishjen e marrëdhënieve me partnerët ndërkombëtarë si dhe në humbjen e besimit të qytetarëve tek këto agjenci, dhe se duhet depolitizim i menjëhershëm.

Sipas saj, situata në shëndetësi është më emergjentja, ndërsa sundimi i ligjit thotë se është shtyllë për realizimin e punëve të tjera dhe se nuk synojnë qeverisje duke vënë  kontroll sistemin e drejtësisë.

“Për mua sundimi i ligjit është shtyllë, për realizmin e të gjitha të tjerave. Ne nuk synojmë të qeverisim duke vënë kontroll në sistemin e drejtësisë, nuk ka të drejtë një kryeministër që të vendos një kryeprokuror. Detyra e qeverisë është që të garantojë që në gjykata ka njerëz profesionist dhe jo të atillë që u shërbejnë skemave kriminale. Ne nuk do të qeverisim me parti që e kanë vendosur këtë sistem. Po i dëgjoj kundërkandidatët që po thonë se do të vendosin se kush do të jetë kryeprokuror, jo këtë e vendosin prokurorët”, ka thënë ajo.