Nesër bëhet tërheqja e shortit për renditjen e subjekteve politike

Nesër do të bëhet tërheqja e shortit për renditjen e subjekteve politike në fletëvotim për zgjedhjet e 6 tetorit.

Shorti tërhiqet nga ora 16:00 në ndërtesën e Komisionit Qendror Zgjedhor.

KQZ ka marrë vendim që të gjitha partitë të kenë numër rendor përmbi 110, në mënyrë që asnjë deputet të mos ketë përparësi.

Në të kaluarën është vërtetuar se çdo deputet, numri në listë zgjedhore i të cilit përkonte me numrin e partisë, merrte më shumë vota se që parashihej.