Vetëvendosja e para me vota, por nuk fitoi asnjë komunë
Zgjedhjet Lokale 2021
October 18, 2021 - 10:53
Lëvizja Vetëvendosje ka numrin më të madh të votave të përgjithshme nga zgjedhjet e djeshme lokale në Kosovë.
Pavarësisht se nga numri i përgjithshëm Lëvizja Vetëvendosje ka marrë mbi 205 mijë vota, ky subjekt politik nuk ka fituar asnjë komunë me raundin e parë, transmeton Zeri.info.
Në një publikim nga Instituti për Drejtësi, thuhet se pas Vetëvendosjes radhitet LDK-ja me mbi 181 mijë vota, ndërsa kjo parti ka fituar dy komuna.
PDK-ja në zgjedhjet e së dielës numëron mbi 171 mijë vota, ndërsa sipas rezultateve preliminare ka fituar në katër komuna.
Me mbi 85 mijë vota të fituara, AAK-ja ka dalë fituese në dy komuna. /Zëri
