Ymeri: Nesër, mundësia më e mirë për t’i thënë jo kësaj qeverie shtetkapëse
Lideri i Lëvizjes Vetëvendosje, Visar Ymeri, edhe një herë u ka bërë thirrje të gjithë deputetëve të Kuvendit të Kosovës që nesër të mos e votojnë Demarkacionin.
Ai përmes një postimi në profilin e tij zyrtar në rrjetin social “Facebook”, ka thënë se protesta e nesërme është mundësia më e mirë për siç ka shkruar ai, t’i thënë jo kësaj qeveria shtet-kapëse, transmeton “Zeri.info”.
LEXO EDHE: Thaçi: Nesër kalon Demarkacioni, Kosova nuk humbë asgjë
Ymeri po ashtu ka shkruar se, “pa i hequr këta kriminelë prej pushteti kurrë s'do të kemi zgjedhje të lira, marrëdhënie të mira ndërkombëtare, luftë ndaj korrupsionit, zhvillim ekonomik e mirëqenie”.
Postimi i plotë i Ymerit:
Të dashur miq, pas pak jam në emision televiziv, ku do të flasim për protestën e nesërme dhe për domosdoshmërinë e ndaljes së këtij versioni të demarkacionit.
Gjithçka që ne kërkojmë është një proces i drejtë dhe transparent i demarkacionit, në respekt të ligjeve vendore e ndërkombëtare.
Sot i bëj thirrje gjithë deputetëve që e kanë një fije respekti e dashurie për vendin, ta ndajnë mendjen kundër këtij procesi që është faktuar e argumentuar gjerësisht si i padrejtë.
Nga ana tjetër, jam i sigurt se qytetarët do t'i përgjigjen ftesës sonë për protestë paqësore, por me vendosmërinë maksimale.
Politika e frikës, e kërcënimeve, e shantazheve dhe e inskenimeve nuk mund t'i shpëtojë kriminelët e "Prontos" dhe hyzmeqarët e tyre.
LEXO EDHE: Militarizohet Prishtina (Foto)
Protesta e nesërme është mundësia më e mirë për t'i thënë jo kësaj qeverie shtet-kapëse.
Pa i hequr këta kriminelë prej pushteti kurrë s'do të kemi zgjedhje të lira, marrëdhënie të mira ndërkombëtare, luftë ndaj korrupsionit, zhvillim ekonomik e mirëqenie.
Ndaj, shihemi aty ku ka nisur demokracia, në shesh. #krejt
