Javën tjetër mblidhen partitë për demarkacionin? (Video)

Partitë opozitare kanë vendosur që të pranojnë ftesën e kryeministrit Mustafa për t’u ulur në një tavolinë të bisedimeve.

Kësisoj, ditëve në vijim liderët e pesë partive më të mëdha në vend do të ulën në një tavolinë për t’i dhënë epilog procesit të gjatë të Demarkacionit.

Derisa “Nisma për Kosovën” thotë se debati i ri për kufirin është një lloj tradhtie, AAK-ja dhe LVV-ja thonë se në këtë takim përfundimisht, demarkacioni do të konstatohet i vdekur dhe do të ecet përpara me proces të ri.

Kryeministri Mustafa ka deklaruar se jo më larg se në fillim të muajit tetor, pritet të nisë një raund i ri bisedimesh rreth përafrimit të qëndrimeve mbi kufirin me Malin e Zi.

I kontaktuar nga Tribuna Channel, këshilltari politik i kryeministrit Mustafa, Faton Abdullahu ka thënë se takimi mund të ndodh nga java e ardhshme.