Haradinaj e demanton Sali Berishën: Shtëpia e tij nuk ishte bazë e UÇK-së
Ish-kryeministri i Shqipërisë deklaroi në një emision se ia kishte lënë shtëpinë e tij në Tropojë, Ushtrisë Çlirimtare të Kosovës për nevojat e tyre si bazë.
Por dikush po e thotë të kundërtën.
Nesim Haradinaj, njëri nga udhëheqësit e luftës në Gllogjan e më pas edhe në zonën kufitare si pjesë udhëheqëse e brigadës 138 Agim Ramadani, e ka demantuar Berishën.
LEXO EDHE: Sali Berishës iu dogj shtëpia nga serbët në vitin 1999 (VIDEO)
“E vetmja kullë e jote që ke ‘si bazë të UÇK-së’ është ajo kulla ‘model’ që more dhuratë nga ish-punëtori i Sigurimit të UDB-së: Mustafë Lokaj”, ka shkruar Haradinaj në facebook.
“Pra ajo ‘trofe’ është krenaria jote dhe e familjes suaj të ngusht”
“Kjo shtëpi në foto është ish-shtëpia e juaj, por si bazë e UÇK-së ka qenë e Bacës Sylejman dhe djalit të tij Gëzimit”, përfundon Haradinaj.
