Çaushi: Ky është skenari që Vetëvendosje të shpallet terroriste
Nënkryetari i Lëvizjes Vetëvendosje, Driton Çaushi ka akuzuar krerët e shtetit, duke filluar nga Presidenti, Kryekuvendari e Kryeministri, se kanë për qëllim që ta shpallin si lëvizje terroriste, subjektin e tij politik.
Ai këto komente i bëri në emisionin Info-Box të RTV Dukagjinit, ku tha se krerët e shtetit këtë e kanë si plan final, pasi që ndihen të rrezikuar nga Vetëvendosje.
“Mendoj që parametrat janë të tillë, e megjithatë një gjë e tillë nuk ka ndodhur ende. Unë besoj se ky do të ishte qëllimi final i Hashim Thaçit, Kadri Veselit e Isa Mustafës ndaj Lëvizjes Vetëvendosje”, tha ai.
Ai kritikoi ashpër edhe EULEX-in, që sot lëshoj një komunikatë për rastin e Astrit Deharit.
Lidhur me Rastin, Çaushi thotë se “po fshihet diçka në këtë rast, dhe se këtë më së miri po e tregon çdo hap që po bën pushteti që prej vdekjes së tij”.
