'Në Ballkan ende nuk është zgjidhur çështja shqiptare, serbe dhe maqedonase'
Në një interviste dhënë agjencisë së lajmeve Tass, Nikiforov tha, se Ballkani ende nuk e ka të zhvilluar si duhet ekonominë dhe se përfaqëson një pjesë të paqëndrueshme të Evropës.
“Së paku tri çështje etnike duhet të zgjidhen, ajo serbe, shqiptare dhe maqedonase. E ardhmja e dy vendeve post- jugosllave; Bosnjës dhe Maqedonisë, të cilat kanë Kushtetuta të bëra me forcë, kjo është ende e paqartë. Çështja e Kosovës, e cila është e njohur pjesërisht si shtet, ka ende për t’u diskutuar”, tha ai, transmeton lajmi.net.
Ndër tjera tha, se duhet të mbahet mend “kontradikta afat-gjata turke- greke”.
“Mendoj se vendet e Ballkanit duhet të kthehen në moton popullorë “Ballkani për njerëzit e Ballkanit.” Popujt e Ballkanit duhet të jenë zotë të shtëpive të tyre”, tha ai.
Sipas tij, prirja kryesore e Ballkanit mbeten vendet e rajonit që aspirojnë për anëtarësim në BE dhe në NATO mbetet prirje kryesore, ndërsa ndikimi rus nuk duhet të ndjehet, edhe pse Moska është aktive vetëm në rajon, si furnizuesi i burimeve të energjisë.
“Pavarësisht nga të gjitha vështirësitë dhe problemet e identifikuara, vendet e Ballkanit janë ende në kërkim për anëtarësim në të gjitha organizatat evropiane dhe euroatlantike. Shumë prej tyre tani u janë bashkuar NATO-s dhe BE-së, siç janë trupat e NATO-s në territorin tonë. Në fakt, vetëm serbët (në Serbi dhe Republikën Serbe) kanë dyshime për shkak se ende nuk i kanë harruar bombardimet e NATO-s”, tha ai. /Lajmi.net/
