Molliqaj: Negociatat me Serbinë nuk e bëjnë shtet Kosovën
Sekretari i Lëvizjes Vetëvendosje, Dardan Molliqaj ka reaguar ndaj vazhdimit të dialogut mes Kosovës dhe Serbisë.
Ai i ka cilësuar si mashtrim deklaratat se me vazhdimin e negociatave me Serbinë, Kosova do të bëhet shtet.
“Vazhdimi i logjikës se përmes negociatave me Serbinë do të bëhet shteti është mashtrim. Kosova ka nevojë për logjikë të re që qon në shtetndërtim dhe zhvillim, e jo për mashtrime të reja. Kosovës i duhet ndryshimi!”, ka shkruar Dardan Molliqaj.
Lexo postimin e plotë:
Kosova nuk do të bëhet shtet asnjëherë në negociata me Serbinë. Nga këto negociata na e premtuan:
– Njohjen e Kosovës prej Serbisë, ndërsa sollën agresion më të madh të saj,
– Integrimin e minoritetit serb, ndërsa na e sollën Listën Serbe që e lufton shtetin e Kosovës,
– Afrimin e Kosovës me BE-në, ndërsa sollën bllokimin e shtetit tonë në organizmat ndërkombëtarë.
Vazhdimi i logjikës se përmes negociatave me Serbinë do të bëhet shteti është mashtrim. Kosova ka nevojë për logjikë të re që qon në shtetndërtim dhe zhvillim, e jo për mashtrime të reja. Kosovës i duhet ndryshimi!