Hoxhaj në Sharr, Fillimi i Ri platformë e zgjidhjeve konkrete të sfidave

Zëvendëskryetari i PDK-së, Enver Hoxhaj së bashku me bashkëpartiakët Xhavit Halitin, Agim Çekun, e Njazi Kryeziun, ka vizituar sot Sharrin. Hoxhaj ka thënë se komuna e Sharrit është një qendër e rëndësishme e agrobiznesit dhe e turizmit, sektorë këta me potencial për hapjen e vendeve të reja të punës.

"Gjatë vizitës me strukturat e PDK-së në Sharr ku zhvilluam takime me biznese të ndryshme dhe qytetarë, u konfirmua se platforma Fillimi i Ri është një dokument jo vetëm i qëllimeve të mira por i zgjidhjeve konkrete të problemeve dhe i sfidave që ka vendi", ka thënë Hoxhaj.

Hoxhaj ka vizituar edhe kompaninë Hit Flores e cila merret me prodhimin e bio produkteve. Ai tha se mundësitë e kësaj komune alpine janë të mëdha dhe se qeveria duhet të qëndrojë më shumë në mbështetje të bizneseve.