Zbulohen emrat e zv.kryeministrit dhe ministrave të PDK-së
Aktuale
September 08, 2017 - 22:49
Partia Demorkatike e Kosovës ka caktuar se kush do të jenë ministrat nga kjo parti në Qeverinë Haradinaj.
Sipas propozimit nga kryetari i kësaj partie, Kadri Veseli, Enver Hoxhaj do të jetë zëvendëskryeministër, Agron Mustafa ministër i Financave, Besim Beqaj ministër i Shëndetësisë, Uran Ismajli ministër i Inovacionit, Abelard Tahiri ministër i Integrimeve dhe Diasporës, Dhurata Hoxha ministre e Drejtësisë dhe Rexhep Hoti ministër i Kulturës Rinisë dhe Sporteve.
Grupi Parlamentar i PDK-së do të mblidhet nesër në ora 14:00, ku do të bëjë publik emrat e kandidatëve për ministra të kabinetit të ardhshëm qeveritar, i cili pritet të udhëhiqet nga kreu i AAK-së, Ramush Haradinaj.
