Bislimi s’flet për media në lidhje me propozimet që ka bërë Qeveria për dinarin në Bruksel
Aktuale
March 29, 2024 - 11:06
Zëvendëskryeministri i Kosovës Besnik Bislimi nuk është deklaruar për media në lidhje me propozimet që ka bërë Qeveria për dinarin gjatë kësaj jave në Bruksel.
I pyetur se cilat kanë qenë propozimet që i kanë dhënë gjatë takimit me kryenegociatorin serb Petar Petkoviq, Bislimi ka refuzuar të përgjigjet.
Emisari i Bashkimit Evropian për dialogun Kosovë-Serbi, Miroslav Lajçak , të martën ka thënë se në takimet e sotme me kryenegociatorët Besnik Bislimi dhe Petar Petkoviq në Bruksel u sqaruan detaje të rëndësishme rreth çështjes së dinarit.
Lajçaku shtoi se janë pajtuar të mblidhen sërish javën e ardhshme “me ambicien për të gjetur një zgjidhje”. /eo