Gruaja e vrarë në Pejë ishte punëtore shëndetësore

Gruaja e vrarë sot në Pejë, Gjyljeta Ukella, ishte punëtore shëndetësore.

Ajo ka punuar si asistente e stomatologut në Poliklinikën Stomatologjike në Pejë, shkruan Zeri.info.

Këtë e ka bërë të ditur Drejtoria e Shëndetësisë dhe Mirëqenies Sociale në Pejë, përmes një njoftimi.

Njoftim i plotë:

Njoftim!

Të tronditur thellë nga vrasja makabre e koleges tonë, punëtores shëndetësore të stomatologjisë, të ndjerës Gjyljeta Ukella.

E ndjera Gjyljetë për dy dekada shërbeu si asistente e stomatologut në Poliklinikën Stomatologjike në Pejë.

Do të mbetet në kujtimet e secilit koleg për punën dhe urtësinë që e ka karakterizuar personalitetin e Gjyljetes.

U prehsh në parajsë!