Ish-shefi i ASK-së: Kosovës i dalin vetëm 860 mijë banorë sipas dinamikës së regjistrimit
Ish-shefi i Agjencisë së Statistikave të Kosovës, Isa Krasniqi, ka njoftuar për procesin e regjistrimit të popullsisë.
Ai përmes një postimi në rrjetin social Facebook, ka thënë se sipas dinamikës së regjistrimit të popullsisë, Kosovës i dalin vetëm 860 000 banorë rezident, raporton Zeri.info.
Postimi i plotë:
Sipas dinamikës së Regjistrimit të Popullsisë Kosovës i dalin vetëm 860 000 banorë rezident!
Bazuar në të dhënat e deri tashme të publikuara nga mediat, të cilat citojnë burimet nga ASK-ja, brenda 10 ditëshit të parë janë regjistruar afro 200 000 banorë rezident.
Kur marrim dhe krahasojmë periudhën 10 ditore që ka kaluar, dhe totalin e periudhës prej 43 ditëve, nga 5 prilli deri me 17 maj, totali i mundshëm i banorëve rezident, sipas kësaj dinamike të regjistrimit, del të jetë 860 000 banorë rezident.
Pra X=200000•43/10=860000
Hajde menaxhment i Regjistrimit ma gjallë, ma gjallë, reflektoni urgjentisht, sepse kjo dinamikë rezulton me afro 1 milion banorë më pak në tërë teritorin e Republikës së Kosovës, se në vitin 2011.
