Hoxhaj: Vrasjet e grave në Kosovë duhet dënuar dhe duhet stopuar me të gjitha mjetet

Nënkryetari i Kuvendit Enver Hoxhaj ka reaguar për vrasjen e rëndë në Pejë, që ndodhi sot, ndaj një gruaje ku dyshohet se atë e vrau bashkëshorti.

Hoxhaj përmes një postimi në rrjetin social Facebook, ka shkruar se vrasjet e grave në Kosovë, janë alarm që duhet të zgjojë institucionet shtetërore e secilin qytetarë.

Hoxhaj, e quajti këtë akt të tmerrshëm, për të cilin tha se dënuar dhe duhet stopuar sa më parë, me të gjitha mjetet.

“Vrasjet e grave në Kosovë, janë alarm që duhet të zgjojë institucionet shtetërore e secilin qytetarë. Ky akt i tmerrshëm, ashtu si edhe aktet tjera jo shumë të largëta, kundër grave, duhet dënuar dhe duhet stopuar sa më parë, me të gjitha mjetet!”, ka shkruar ai.