Rikthehen seancat, deputetët gati për tentimin e 55-të për konstituim të Kuvendit [foto]

Deputetët e Kosovës pritet që sot të mbajnë seancën e 55-të, një tentim tjetër për të konstituuar Kuvendin.

Të parët që kanë hyrë në sallën e Kuvendit janë deputetët e LDK-së, të cilët duket se me veti kanë marrë dosjen e aktgjykimit të fundit të Gjykatës Kushtetuese, e cila ka urdhëruar deputetët të kthejnë votimin e hapur për kandidat për kryetar të Kuvendit dhe votimin jo më shumë se tri herë për të njëjtin emër, shkruan Zeri.info.

Para seancës, disa nga deputetët e partive të PDK-së dhe AAK-së kanë treguar se nuk kanë ndryshuar qëndrim rreth kandidaturës së Albulena Haxhiut, për të cilën nuk do të votojnë as sot, nëse propozohet e njëjta. /Zëri