FSK-ja me ushtrimin fushor “Ujku shigjetë”, do të ketë lëvizje të konvojeve në rajonin e Gjakovës
Aktuale
August 29, 2025 - 09:42
Forca e Sigurisë së Kosovës ka njoftuar se nga data 31 gusht deri më 05 shtator 2025 do të realizojë ushtrimin fushor “Ujku shigjetë”, në kuadër të përgatitjeve për validimin e Regjimentit të Tretë.
“Gjatë kësaj periudhe do ketë lëvizje të konvojeve nga vendbazimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës”.
“E gjithë kjo lëvizje do të bëhet me qëllim të realizimit të ushtrimit, andaj kërkojmë mirëkuptim nga qytetarët”, thuhet në njoftim. /Zëri
