Era e fortë rrëzon një lis në qendër të Prishtinës
Aktuale
August 30, 2025 - 16:53
Një lis është rrëzuar sot pasdite nga era e fortë në rrugën “Rexhep Luci”, në qendër të Prishtinës, rreth orës 15:00.
Nga rënia e lisit fatmirësisht nuk është raportuar për të lënduar, por janë shkaktuar dëme materiale. Ekipet e zjarrfikësve reaguan menjëherë duke dalë në vendngjarje dhe po punojnë në largimin e degëve dhe pastrimin e rrugës për të rikthyer qarkullimin normal.
Erërat e fuqishme të shoqëruara me stuhi nuk kanë përfshirë vetëm Kosovën, por edhe rajonin. Raportohet se situatë e ngjashme me dëme të shkaktuara nga era është shënuar edhe në Shqipëri dhe Maqedoninë e Veriut. /telegrafi
