Aida Dërguti aderon në PDK dhe hyn në garë për deputete

Aida Dërguti, ish-nënkryetarja e Vetëvendosjes, ka aderuar në Partinë Demokratike të Kosovës.

Kështu të paktën ka njoftuar autori i emisionit “Rubikon”, Adriatik Kelmendi, ku Dërguti ka qenë opinioniste.

Postimi i Kelmendit:

Aida, një ndër personat më të angazhuar në Kosovë për kauzat e drejta për vendin dhe shoqërinë në këto 30 vjet, ka vendosur t’i rikthehet aktivizimit të drejtpërdrejtë në politikë. “Mendoj se ka ardhur momenti për ta kthyer vendin kah e mbara: ose tash, ose kurrë”, më tha.

PDK-ja sot dhe Kuvendi i Kosovës pas 9 qershorit do të fitojnë shumë, teksa në Rubikon do të ndihet thellë mungesa e saj.

Urime dhe mbarësi, Aida! Qëndro gjithmonë kështu siç je!